Ифротгароӣ ва терроризм ба мушкилоти ҷиддии ҷомеаи муосир табдил ёфтааст. Он ба сулҳу амният ва ҳамгироие, ки мо ба он ноил шудан мехоҳем, таҳдид мекунад. Дар ин мақола мо моҳияти мушкилоти ифротгароӣ ва терроризмро баррасӣ намуда, инчунин мушкилотҳоеро, ки давлатҳо ва ҷомеаи ҷаҳонӣ бо он рӯбарӯ ҳастанд, таҳлил хоҳем кард. Ғайр аз он, мо баъзе стратегияҳо ва равишҳои муассирро барои рафъи ин мушкилот бо мақсади ҳифзи арзишҳои миллии худ ва бехатарии ҷомеа муҳокима хоҳем кард.Ифротгароиро метавон ҳамчун як муносибати идеологӣ ё мазҳабӣ муайян кард, ки зӯроварӣ ва вайрон кардани қонунро дар маркази ҳадафҳои худ қарор медиҳад. Он бо радикализми шадид ва майли аз рӯи дастурҳои маҳдуди идеологӣ дигаргун сохтани ҷомеа хос аст. Терроризм бошад, истифодаи зӯроварӣ ва таҳдид барои ноил шудан ба ҳадафҳои сиёсӣ, динӣ ва идеологӣ мебошад.Ифротгароӣ ва терроризм ба амнияти ҷомеа ва давлат хатари ҷиддӣ доранд. Онҳо сохти ҷамъиятиро вайрон намуда ба ҳамфикрии байни миллатҳо ва динҳо, тараққиёти иқтисодиёт халал ворид сохта ба ҳуқуқу озодиҳои инсон таҳдид мекунанд. Илова бар ин дар сатҳи байналмилалӣ тарсу ваҳм ва мушкилоти амниятиро ба вуҷуд меоранд.Мубориза бо ифротгароӣ ва терроризм дар назди давлатҳо ва созмонҳои байналмилалӣ мушкилоти ҷиддӣ мегузорад. Яке аз мушкилотҳо ин аз ҷониби гурӯҳҳои ифротӣ ва террористӣ истифода гардидани технологияи замонавии коммукатсионӣ ва фанновариҳои муосири иртиботӣ барои таблиғи ақидаҳои худ ва ҷалби аъзоёни нав мебошад. Илова бар ин, зарурати мувозинати амният ва ҳифзи ҳуқуқу озодиҳои асосии шаҳрвандон ба миён омадааст.Рафъи мушкилоти ифротгароӣ ва терроризм бархӯрди ҳамаҷониба ва бисёрсатҳаро тақозо мекунад. Барои ҷилавгирӣ аз радикализатсия ва пешниҳоди идеологияҳои алтернативӣ, таваҷҷуҳи худро ба маориф ва фарҳанги миллӣ равона кардан муҳим аст. Давлатҳо бояд сиёсат ва стратегияҳои муассир таҳия кунанд, ки ҳамкорӣ бо дигар давлатҳо ва табодули иттилоотро дар бар гиранд. Беҳбуди вазъи иқтисодӣ ва фароҳам овардани имкониятҳои баробар барои ҳамаи табақаи ҷомеа низ як унсури муҳим аст.Ифротгароӣ ва терроризм барои ҷомеаи муосир мушкилотҳои ҷиддие ба миён гузоштааст. Онҳо ба арзишҳо, амният ва ҳамоҳангии мо таҳдид мекунанд. Бо вуҷуди ин, бо равиши мутавозин, ки таҳсилот, стратегияҳои муассир ва ҳамкории байни давлатҳоро дар бар мегирад, мо метавонем ин мушкилотро бартараф кунем ва барои сулҳу амният талош варзем. Мубориза бо ифротгароӣ ва терроризм талоши муштараки моро барои пок нигоҳ доштани ҷомеа аз зӯроварӣ ва ифротгароӣ тақозо мекунад.
Ғафуров О.В., н.и.ф-м., дотсенти кафедраи электроникаи физикии факултети физикаи Донишгоҳи миллии Тоҷикистон
